Gajal/गजल

सजिएर बस प्यारी डोलि लिई आउछु ।

कस्नलाई लगन गाँठो चोलि लिई आउछु ।।



प्रतिक्षामा कति बिते तडपिएर कयौँ रात ।

तिम्रो माया अटाउने झोलि लिई आँउछु ।।



रुझि बस्छौ कति तिमी बर्षातको पानी सँगै ।

मधुमासमै समुन्द्रको खोली लिई आउछु ।।



अघि अघि पञ्चै बाजा पछि पछि जन्ति अनि ।

जन्मघर छाडिलान टोलि लिई आउछु ।।



अग्निलाई साक्षी राख्दै सातौ जन्मसम्म पनि ।

''प्रयासका '' प्रित अट्ने बोलि लिई आउछु ।।

Rn lch...teku kathmandu nepal