भुसको आगो सरी यौवन

भुसको आगो सरी यौवन सल्किएको देखें जेठान l

तिम्रो बैनी अर्कै सित पल्किएको देखें जेठान ll



गधाले के दु:ख गर्ला आफ्नो एकछिन फुर्सद छैन l

उसका मुखमा लाली मात्र टल्किएको देखें जेठान ll



आफ्नो एक दुई जोर छैन उसका बार्ह पन्ध्र थरी l

मिनिस्कट सितारामा झल्किएको देखें जेठान ll



बाच्न सारै कठिन भो र मर्छु भन्थी उसैसित l

एकान्तमा आँखा उनका छल्किएको देखें जेठान ll



दोहोरी नि उसै सित मारुनी झन् उसै सित l

झिसमिसेमै लठारिदै ढल्कीएको देखें जेठान ll

By saroj lamichhane"
Kathmandu Nepal